विषयः मेरिङदेन गाउँपालिकाको समग्र वृत्तचित्र निर्माण गरिएको सम्बन्धमा।

यस मेरिङदेन गाउँपालिकाको भौगोलिक अवस्था, प्राकृतिक तथा सांस्कृतिक सम्पदा, धार्मिक एवं पर्यटकीय स्थल, कृषि तथा पशुपालन, शिक्षा, स्वास्थ्य, पूर्वाधार विकास, आर्थिक तथा सामाजिक अवस्था, स्थानीय कला, संस्कृति, रहनसहन, सेवा प्रवाह तथा गाउँपालिकाबाट सञ्चालित विभिन्न विकासात्मक गतिविधिहरूलाई समेटी मेरिङदेन गाउँपालिकाको समग्र वृत्तचित्र निर्माण गरिएको व्यहोरा सम्बन्धित सबैको जानकारीका लागि यो सूचना प्रकाशित गरिएको छ।

उक्त वृत्तचित्रमा गाउँपालिकाको समग्र परिचय तथा वर्तमान वस्तुस्थिति, विकासका सम्भावना, उपलब्धि, महत्वपूर्ण पर्यटकीय एवं धार्मिक स्थलहरू, प्राकृतिक सौन्दर्य, स्थानीय मौलिकता तथा गाउँपालिकाका विभिन्न गतिविधिहरूलाई समेटिएको छ। गाउँपालिकाको समग्र अवस्था, पहिचान र विकास गतिविधिलाई आम नागरिक तथा सरोकारवालामाझ जानकारी गराउने उद्देश्यले उक्त वृत्तचित्र तयार गरिएको हो।
लिङ्क
https://youtu.be/FJixASTu8TA